منتدى و شات الزعيم المصرى

elzaeem egyptian
 
الرئيسيةelzaeemاليوميةس .و .جبحـثالأعضاءالمجموعاتالتسجيلدخول
اهلا بكم فى منتدى وشات الزعيم المصرى
اهلا بكم فى منتدى وشات الزعيم المصرى
اهلا بكم فى منتدى وشات الزعيم المصرى

شاطر | 
 

 العريس اون لاين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


عدد المساهمات : 82
تاريخ التسجيل : 01/09/2009

مُساهمةموضوع: العريس اون لاين   23/1/2010, 03:22

ومع اولى حلقات البرنامج
وموضوع الحلقه وكام حلقه بعديها (عريس من على النت)
كاميرا 1..................استعد
2............................صور

اكشــــــــــــــــــن

تركت هايتى الكمبيوتر التي تقضى عليه معظم وقتها فجأة
وصرخت بصوت عالى
مااااما ..... يا ماماااااااااااااااا .....يا ماماااااااااااااااا
الأم : فيه إيه يابت بالراحة إخواتك نايمين
هايتى : معلش يا ماما أصلى فرحانة ....
فرحانة اوي اوي
الأم: خير يا بنتى فرحينى معاكى كدا ربنا يفرح قلبك
هايتى: عريس يا ماما عريس
الأم : يا ألف نهار أبيض يا ألف نهار مبروك
لولولولولولولولولولولولولولوى
وبعد دقيقتين أحضان وقبلات تذكرت الأم
الام: ألا قوليلى يابت
عريس مين دة اللي هيتقدملك
وماقلتليش من ساعة ما جيتى من الجامعة ليه ؟
هايتى: لأنى لسة عارفة دلوقتى حالا يا ماما
الأم بإستغراب: عارفة دلوقتى حالا؟؟؟؟؟؟
عارفة منين يابت دة انتى لسة قايمة دلوقتي من قدام الكبورر....
هايتى : ههههههههههههه كبورر ايه بس يا ست الكل
اسمه كمبيوتر
الأم:مش مهم
المهم عرفتيه ازاى ؟ ومين أصلا العريس دة يعنى جاى منين؟
هايتى :من النت يا ماما
ظلت الأم المسكينة تنظر لابنتها باستغراب
وهى تراجع كل ما تعرفه من كلمات
ولم تجد لكلمة النت أثر بينها
فسألت هايتى ..........
الأم: النت ؟ ودى تبقى فين دى يا بت؟
هايتى : فين ازاى يا ماما؟
الأم: يعنى فينها من الوايلى الى احنا فيها؟
تركبيلها مترو ولا اتوبيس ولا تأخديها تاكسى
اوعى يابت يكونوا بيروحولها بالقطر؟
هايتى: هههههههههههههههه ايه يا ماما الى انت بتقوليه دة؟
مترو إيه وقطر إيه؟! دة النت
الأم: أيوة يا بنتى عرفنا انه الزفت
بس دة موقعه فى انه بلد بالظبط ؟
هايتى: كل البلاد يا ماما
الأم باستغراب : انتى اتهبلتى يا بت؟
يعنى إيه فى كل البلاد؟
هايتى : يا ماما النت دة عبارة عن كمبيوترات كتير
في العالم وفيه معلومات كتير اوى
الأم:معلومات ايه يابت انتى
هو انتى هتتجوزى دايرة المعارف؟؟؟؟؟؟
هايتى :المهم يا ماما ان فى واحد متقدملى عن طريق النت
الأم: ودة اتقدم ازاى يعنى؟؟؟؟؟
هايتى: بعتلى إيميل
الأم فى ذهول : ايميل؟
بعتلك إيميل جارنا المسيحى؟
وإزاى يا بت تقبلى تتكلمى مع الى اسمه إيميل ده
وهو مين عشان الزفت بتاعك ده يبعته لينا!!!!!
هايتىفى سرها طب افهمها ازاى دى بقــــــــــى ؟؟؟
هايتى : ماما اهدى إيميل جارنا مين بس ...!
الأم: مش انتى الى بتقولى يابت
هايتى :إيميل يعنى جواب بس على النت
الأم: برضه هتقوليلي عالزفت
يابنتى أنا مش فاهمة البتاع الى بتتكلمي عليه دة
هايتى :النت دة ياماما حاجة فى الكمبيوتر
ممكن نبعت فيها رسائل لناس برة
ونستقبل منهم رسائل برضه دة غير حاجات كتير
الأم:أنا ماليش فى الكلام دة
اللي انا عايزة أعرفه هو مين ومعاه شهادة ولا لأ ؟
واصله ايه وفصله ايه ؟؟
هايتى:هو اسمه محمد
وطالب فى هندسة حاسبات و قاطعتها الأم
الأم : طالب؟؟؟؟؟؟؟؟؟؟
هايتى : أيوة ياماما بس فى آخر سنة
الأم : بصى أنا ماليش دعوة بالموضوع دا أنا هتصل بأبوكى وهو يتصرف
اتصلى بيه انتى عالموبايل وأنا أكلمه
زمانه عالقهوة
وفى قهوة المعلم حسنين
رن الموبايل بتاع عم حلاوة العنتبلى الجزار
ها اكمل ولا بلااااش


طيب اللى عايزنى اكمل اشوف منكم الردود يلا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elzaeem-egyptian.yoo7.com
كارينا كابور

avatar

عدد المساهمات : 59
تاريخ التسجيل : 04/01/2010
العمر : 21

مُساهمةموضوع: رد: العريس اون لاين   16/2/2010, 10:03

اهيء اهيء

بتزلنا عشان نعرف بقية القصة

ماشي ماشي

اعتبرني مش رديت Razz
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
???????
زائر



مُساهمةموضوع: رد: العريس اون لاين   20/4/2010, 06:55

هههههههههههههههههههههههههههه
كملى كملى ده شكلها عيله هبله
الرجوع الى أعلى الصفحة اذهب الى الأسفل
 
العريس اون لاين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى و شات الزعيم المصرى :: المنتدى الترفيهى :: اضحك من قلبك-
انتقل الى: